РЕВИЗИИ 2025–2026
06.11.2026
06.11.2026
06.11.2026
06.11.2026
06.11.2026
05.11.2026
05.11.2026
06.11.2026
06.11.2026
05.11.2026
06.11.2026
06.11.2026
06.11.2026
06.11.2026
05.11.2026
04.11.2026
06.11.2026
06.11.2026
06.11.2026
06.11.2026
05.11.2026
05.11.2026
06.11.2026
06.11.2026
05.11.2026
23.04.2026
23.04.2026
12.04.2026
Премиерот Христијан Мицкоски на одбележувањето на 11 Октомври во Куманово ја постави новата цел: просечна плата од 1.000 евра до крајот на мандатот, во 2028 година. Звучи амбициозно. Додека не се погледне преку границата.
Според Државниот завод за статистика, просечната нето-плата во Македонија во јули 2026 изнесувала 48.499 денари, или околу 789 евра. Тоа е номинален раст од 7,1% за една година, а реален од 4,7%. Во Црна Гора, според тамошниот завод МОНСТАТ, просечната нето-плата во август била 1.040 евра. Разликата е околу 251 евро месечно, или над 3.000 евра годишно.
Нашата цел е нивниот минималец
Кај најниските примања контрастот е уште посилен. Црногорската влада го најави „евро моделот“, според кој од јануари 2027 минималната нето-плата ќе изнесува 1.000 евра за работни места со основно образование, 1.250 евра за средно и 1.400 евра за високо образование. Тоа засега е најава чии ефекти допрва ќе се мерат. Но Македонија зборува за просечни 1.000 евра во 2028, а Црна Гора планира толку да изнесува најнискиот минималец во 2027. Македонскиот минималец денес е 26.046 денари, околу 423 евра.
Математиката не е на страната на ветувањето. За просечната плата од 789 да стигне до 1.000 евра, треба номинално да порасне за околу 27%. Ако продолжи да расте по 7,1% годишно, за две години ќе стигне до околу 905 евра. За остатокот треба нешто повеќе од статистичка инерција.
Кошничката бега побрзо
Економистот Бранимир Јовановиќ од Виенскиот институт за меѓународни економски студии потсетува дека минималните месечни трошоци за преживување на четиричлено семејство во септември, според синдикатот, биле околу 69.000 денари, а минималната плата е околу 26.000 денари. На семејство со две минимални плати му фалат 17.000 денари месечно. Пред две години, според него, кошничката била околу 60.000 денари, минималецот околу 22.500, а дупката 15.000. „Таа дупка за овие две години е зголемена за 2.000 денари“, вели Јовановиќ.
Светската банка во својот последен извештај за Македонија, „Избегнување на стапицата на среден доход“, наведува дека Албанија, Србија и Црна Гора во изминатата деценија го намалиле доходовниот јаз со просекот на ЕУ за 7 до 10 процентни поени, а Македонија за само 4, достигнувајќи околу 42% од просечниот БДП по жител во ЕУ во 2024 година.
Целта од 1.000 евра сама по себе не е лоша. Проблемот е што во регионот таа веќе не е цел, туку појдовна точка. Затоа и на социјалните мрежи беше дочекана со потсмев: најголем дел од граѓаните земаат помалку од просекот, па и сегашните 789 евра ги гледаат само во статистиката.
Најновите 10 вести од оваа категорија
Ревизорите најдоа пруги што не се во катастар, мост кај Стоби што попуштил двапати и делница на Коридорот 8 поскапена...
Исплатата на шалтер почна, фирмите бараат начин да ги платат платите до 15 ноември, а имињата на можните купувачи на...
Долгот стигна до 11 милијарди евра, а како процент од БДП падна од 58,8 на 56,6. Опозицијата зборува за кривично...
Брокман се пофали со раст на приходите од 70 проценти за една четвртина. Колку е тоа во пари, не кажа.
Компанијата што почна носејќи крв до болниците во Руанда сега гради мрежа на дронови над американските предградија. Инвеститорите плаќаат за...
Meta не крие зошто нејзиниот ВИ-агент има мило лице и гестови: за луѓето да се чувствуваат поврзани со него. Прашањето...
Три процентни поени поблиску до просекот на ЕУ за осум години. Капиталните инвестиции реализирани 64,6 отсто, дефицитот кренат на 4,1...
Пензионерите и примателите на социјална помош без картички добиваат термин по СМС. Земјоделците од Пелагонија велат дека еден резервоар за...
Енергијата во еврозоната е за една петтина поскапа од лани. Кај нас статистиката покажува 0 проценти месечно, но животот е...
Компанија основана во 2024, со производ лансиран минатото лето и агенти позајмени од Anthropic и OpenAI - сега е дел...
Оваа страница користи колачиња - дали е тоа во ред? Дознај повеќе
Први дознајте кога Метла пушта нешто ново
Оставете е-маил и ќе Ви пишеме кога има нов водич или нешто ново на Метла.