Турскиот министер за надворешни работи Хакан Фидан предупреди: по Иран, Израел може да ја стави Турција на мета. „Нетанјаху не може да преживее политички без непријатели”, изјави Фидан, еден ден откако претседателот Ердоган се закани со воена акција против Израел.

Фидан објасни дека балансираната регионална позиција на Турција ја прави цел на израелски притисок. „Нетанјаху има комплекс од Ердоган и не може да го толерира. Турските напори за одржување рамнотежа го задржуваат регионот на ниво каде Израел не може да ја дестабилизира Турција”, рече министерот.

Екстремни политики на судир

„Кога се гледа низ Сирија, Газа и Либан, екстремните израелски политики директно се спротивставени на нашите. Затоа не таргетираат”, појасни Фидан. Предупредувањето е конкретно: „По Иран, Израел не може да постои без непријател. Гледаме дека Нетанјаху може да се обиде да ја означи Турција како следен противник.”

Ердоган претходно го обвини Израел за злосторства врз Палестина и Либан, спомнувајќи 1,2 милиони раселени луѓе. Ако Турција – членка на НАТО со втора најголема армија во алијансата – навистина влезе во директен судир со Израел, последиците за целиот регион, вклучувајќи го Балканот, би биле непредвидливи.