Александар Вучиќ даде интервју за Алистер Кембел – човекот кој ја измисли модерната политичка пропаганда, поранешен директор за комуникации на Тони Блер, и еден од архитектите на британската наративна машина за време на косовската криза.

Кембел на Х (Твитер) го најави подкастот „The Rest Is Politics” со зборовите: „Фасцинантна епизода со српскиот претседател Вучиќ. Некогаш бевме на спротивни страни за време на косовската војна, што доведе до пријатни несогласувања денес.”

„Пријатни несогласувања” – тоа е британски за „се каравме но културно.” Човекот кој помогна да се продаде бомбардирањето на Србија во 1999 сега седи со човекот кој тогаш беше на другата страна. Колку се сменија улогите, а колку само реториката?

Кембел ја пофали „великодушноста” на Вучиќ со неговото време и ставови. Епизодата ќе биде објавена во понеделник. Што точно кажал Вучиќ – ќе видиме. Но самиот факт дека седи на маса со Блеровиот „спин доктор” кажува повеќе од било кое интервју.