Најголемиот воен брод во историјата пристигна во Сплит

Најголемиот воен брод некогаш изграден во светот, американскиот носач на авиони USS Gerald R. Ford, пристигна во Сплит, Хрватска. Бродот е долг повеќе од 330 метри, висок 76 метри, има 25 палуби и може да носи 75 воени авиони.

Изградбата на овој колос чинеше 12,8 милијарди долари, додека уште 4,7 милијарди беа потрошени за истражување и развој. На бродот работат 4.500 лица, вклучувајќи пилоти и поддршка.

Американската амбасада соопшти дека бродот пристигна „за планско одржување и посета”, а за време на престојот ќе бидат примени локални функционери и клучни лидери за потврда на „силното и трајно сојузништво помеѓу САД и Хрватска”.

Ова е трета посета на бродот на Сплит – претходните беа во јуни 2023 и октомври 2025 година. На бордот се наоѓаат ловци F-35C, F/A-18 Super Hornet, извидувачки авиони E-2D, авиони за електронско војување EA-18G, како и хеликоптери и дронови.

Вредно за споменување е дека бродот неодамна претрпе пожар во перална на 12 март, кој траеше над 30 часа и остави повеќе од 600 морнари без спални места.