Во Кочани е отворен дневен центар за лица со попреченост. На отворањето беа министерот за социјална политика, демографија и млади Ѓоко Велковски, градоначалникот Владко Грозданов и генералниот секретар на Црвениот крст, Саит Саити.

Центарот, според министерот, ќе нуди поддршка, активности за личен развој, социјализација и поголема самостојност, приспособени на потребите на секој корисник. Наменет е за лица над 26 години со тешка телесна, интелектуална или комбинирана попреченост. Капацитетот: 12 корисници месечно.

За семејствата што секој ден носат таков товар, секое ново место значи многу. Но 12 места е бројка што бара одговор, не само фотографија со министер, градоначалник и камери. Колку луѓе со тешка попреченост живеат во кочанскиот крај и колку од нив ќе останат пред вратата? Таа бројка на отворањето не ја слушнавме.

Велковски вели дека министерството продолжува да ги шири социјалните услуги за да бидат „достапни и блиску до граѓаните“. Добро. Тогаш следната најава нека дојде со план – колку места, во кои градови и до кога.