Бугарите денеска гласаат – по осми пат во пет години. Осми парламентарни избори. Некаде меѓу Софија и Пловдив, граѓаните одат на гласачки места со ентузијазам кој сигурно опаѓа со секое повторување. Но овој пат, анкетите предвидуваат јасен победник: поранешниот претседател Румен Радев.

Радев, поранешен генерал на воздухопловните сили, се залага за обновување на врските со Русија и критикува воената помош за Украина. Неговата новоформирана левоцентристичка партија „Прогресивна Бугарија” во анкетите собираше околу 35 проценти.

Антикорупциска платформа со руска нота

Радев цели да ја ослободи Бугарија од „олигархискиот модел на владеење” и ги поддржа антикорупциските протести од крајот на 2025 кои ја урнаа владата. Ветува дека нема да ги блокира одлуките на Брисел – но остро ги критикува зелените енергетски политики на ЕУ, нарекувајќи ги наивни во „свет без правила”.

Контроверзност предизвика кога на предизборен настан покажа фотографии со светски лидери, вклучувајќи го рускиот претседател Владимир Путин. За проевропските гласачи – провокација. За неговите поддржувачи – доказ дека знае да зборува со сите страни.

Бојко Борисов и неговиот проевропски ГЕРБ, кои ја предводеа претходната влада, се проектирани на второ место со околу 20 проценти. Радев одби коалиција со ГЕРБ и со лидерот на ДПС Делјан Пеевски, санкциониран од САД и Велика Британија за корупција.

Полицијата во последните недели заплени над милион евра и приведе стотици луѓе, вклучувајќи локални функционери, во акции против купување гласови. Осми избори за пет години – а купувањето гласови сè уште е индустрија. Звучи познато?