Вучиќ од Минхен: Крај на војната во Украина наскоро нема да видиме

Српскиот претседател Александар Вучиќ од говорницата на 62. Минхенска безбедносна конференција испрати песимистичка порака за исходот од војната во Украина, предупредувајќи дека крај на конфликтот наскоро нема да има.

„Се плашам дека нема да видиме крај на војната во Украина наскоро. Клучните проблеми се во териториите — Русите сакаат напишано на хартија дека нешто е нивно, а Украина не го сака тоа”, изјави Вучиќ.

Српскиот лидер оцени дека украинскиот претседател Володимир Зеленски е „ѕвезда само тука во Минхен”, сугерирајќи дека реалноста на теренот е поинаква од дипломатската сцена.

Вучиќ се осврна и на безбедносната ситуација на Балканот, тврдејќи дека воената соработка меѓу Хрватска, Албанија и Косово е насочена исклучиво против Србија. Истовремено, тој најави дека „важна земја” ѝ дозволила на Србија да ги увезе најмоќните ракети кои ги сочинуваат познатите „железни куполи”.

На маргините на конференцијата, Вучиќ разговарал и со турскиот претседател Реџеп Таип Ердоган, а најави и засилување на соработката со Кина, отворајќи прашања за европската безбедносна архитектура и позицијата на Србија во неа.