Европската одбранбена индустрија добива нов еднорог – и тоа со помош на Spotify. Helsing, германскиот стартап за воени дронови основан пред пет години, се ближи кон рунда од 1,2 милијарди долари, при проценета вредност од 18 милијарди долари, според Financial Times.

Рундата ја води Dragoneer заедно со постоечкиот инвеститор Lightspeed. Само пред година, во јуни 2025-та, Helsing беше проценета на 12 милијарди евра (14 милијарди долари) во рунда од 600 милиони евра предводена од Daniel Ek, основачот на Spotify. За 11 месеци – пораст од над 25 проценти на проценетата вредност.

Helsing не е единствениот европски еднорог во одбранбената технологија, но е недостижно најскапиот. За споредба – германскиот производител на дронови Quantum Systems во ноември 2025-та собра 180 милиони евра при вредност над 3 милијарди евра. Tekever од Лисабон пред година собра 400 милиони фунти со вредност над една милијарда.

Како европската VC сцена одеднаш ги отвори пареите за одбрана? Кратак одговор – Украина. Војната во Украина претвори автономните одбранбени стартапи во најврелата категорија на ризичен капитал. Континентот кој со децении вложуваше во „мирновремени технологии” сега ги бара компаниите кои прават дронови, навигациски системи и AI за бојното поле.

Helsing, Dragoneer и Lightspeed не одговорија на барања за коментар.