Украинските специјални сили објавија снимка на која, како што тврдат, е уништен железничкиот мост над Северно-кримскиот канал на окупираниот полуостров Крим. Украинскиот претставник Андриј Коваленко кратко соопшти: „Мостот над Северно-кримскиот канал е уништен”, заблагодарувајќи им се на специјалните единици за операцијата.

Снимката, наводно направена кај населбата Роздолное, го покажува онеспособениот објект. Конкретни бројки за жртви нема, но порака е јасна – мостот, како што велат украинските извори, „веќе не функционира” и „веќе не постои”. Војната одамна се пресели од фронтовите кон логистиката: кој ќе ги пресече снабдувачките линии, тој диктира.

Крим е срцето на руската логистика на југ, а секој мост, канал и пруга што води таму е мета. Украина систематски ги напаѓа токму овие точки, обидувајќи се да го отсече снабдувањето на руските сили на окупираните територии. Не е спектакуларно како голема битка, но е поефикасно.

За Балканот, што добро ја знае логиката на долги војни, ова е познат образец. Конфликтите што почнуваат со големи декларации завршуваат во ситници – кој мост стои, кој пат е прооден, кој канал носи вода. По повеќе од три години војна, прашањето не е кој има поголема армија, туку кој подолго ќе издржи да ги крпи мостовите што другиот ги руши.